ஸ்ரீ ராம பிரான் சொன்ன தலாக்

எனக்கு தெரிந்த ஒரு பெண். ஒரிஜினல் பெயர் வெளியிட வேண்டாம் என்று ரேகா என்று குறிப்பிடுகிறேன். இவளுக்கு திடுமணம் ஆகி கொஞ்ச காலம்எல்லாம் நல்லாத்தான் இருந்தது. ஒரு குழந்தையும் உண்டானது. கணவன் கொஞ்சம் சந்தேகக் கேஸ். இந்த சந்தேகம் ரொம்ப பெரிசாகி சண்டை வந்து கடைசியில் அவளை விலக்கி வைத்துவிட்டான்.

ரேகாவுக்கு பிறந்த வீட்டிலும் ஆதரவு இல்லை. வயிற்றில் குழந்தையோடு வீட்டை விட்டு வெளியேறி, சில நல்லவர்களின் உதவியோடு வீட்டுவேலை செய்து, குழந்தையைப் பெற்று ஆளாக்கியும் விட்டாள். குழந்தைக்கு பத்து வயதாகிறது. இப்பொழுது அவள் கணவன் குழந்தையைச் சென்று ஸ்கூலில் பார்த்து பேசுகிறான். குழந்தையை அவன் அழைத்துச் செல்வதற்கு வழக்கு போட்டிருக்கிறான்.

இவ்வளவு நாளாக அவள் அந்த குழந்தையை எப்படிபெற்று வளர்த்தாள் என்று சிறிதும் கவலைப்படாத இந்த ஆள் திடீரென்றுகுழந்தையை பிரித்து செல்ல முயற்சி செய்கிறான். இந்து திருமணச்சட்டப்படி இது சாத்தியமே. இப்பவும் அவன் ரேகாவை மீண்டும் மனைவியாக ஏற்றுக்கொள்ள விரும்பவில்லை. அவளும் அதை விரும்பவில்லை.
இவ்வளவு நாளாக கச்டப்பட்டு வளர்த்த மகனையும் இழக்க விரும்பாமல் ,வழக்கை சந்திக்க பொருள் செலவையும் செய்து இவள் படும் துன்பத்திற்கு அளவே இல்லை.

இந்த நிலையில் அவள் என்ன செய்யலாம்?ஆலோசனைகள் வரவேற்கப்படுகிறது.

(இது ராமாயண சீதையின் கதை . இந்த பழைய பதிவு புதிய பெயருடன் மறுபதிவு செய்யப்படுகிறது )