பரத முனிக்கு கோவில் கட்டலாமா?

http://www.keetru.com/anaruna/jun06/madivanan.html

இந்த பரத சாஸ்திரத்தை எழுதியது ஒருவர் தானா அல்லது பல்வேறு கால கட்டங்களில் எழுதப்பட்டதா என்று ஒருவருக்கும் தெரியாது. இவர் பரத முனி கி.பி. ஐந்தாவது நூற்றாண்டில் இருந்ததாக எழுதியுள்ளார். பெரும்பாலானவர்கள் கிமு 5 ஆம் நூற்றாண்டிலிருந்து கிபி இரண்டாம் நூற்றாண்டு வரை இருக்கலாமென்கிறார்கள்.


கிமு 3 ஆம் நூற்றாண்டைச் சேர்ந்த தமிழ் இசை, நாட்டியம் பற்றிய கல்வெட்டுகள் தமிழ்நாட்டில் கிடைத்துள்ளது. இது பத்மா சுப்ரமணியத்திற்கும்தெரியும். அவரே ஏதோ ஒரு பேப்பரில் குறிப்பிட்டிருந்ததாக நியாபகம்.
(இந்த கல்வெட்டு நான் பிறந்த ஊரில் இருப்பதை கொஞ்சம் சைடில்பீற்றிக்கொள்கிறேன்.)

இந்த கலையை வளர்த்த பெண்மணிகள் இந்த நவீன கலைஅரசிகளைப் போல உலகம் சுற்றாமல் இன்றும் கிராமங்களில் பயங்கரவறுமையில் இருப்பதாக படித்திருக்கிறேன். இந்த பணத்தை பரதருக்கும் (யாரிவர் எப்படி இருப்பார்) அவிநயருக்கும் கோவில் கட்டுவதை விட உண்மையில் இவர்களுக்கு உதவுவதே பொருத்தமாக இருக்கும்.


இந்த கலையை வளர்த்தவர்கள் வறுமையில் வாடும்போது, யாரென்றே தெரியாத இரண்டு பேரில் யாருக்கு கோவில் கட்டுவதென்று போட்டி தேவைதானா?

ஒரு கும்பலுக்கு கண்ணகி சிலை வைக்க வேண்டும், இன்னொரு கும்பலுக்குபரத முனிக்கு கோவில் கட்ட வேண்டும். வாழ்க்கை நடைமுறை பிரச்சினைகளைவிட சிலை வைப்பதுதான் இப்பொழுது தலையாய பிரச்சினையாக இருக்கிறது. ( கண்ணகி சிலையை எதிர்த்தவர்கள் ஏன் பரத முனி கோவிலை எதிர்க்கவில்லை என்று சிலர் கேட்கலாம். )

அரசாங்க பணத்தில் சிலை, கோவில்கள் போன்றவை கட்டுவதை ஒட்டுமொத்தமாக தடை செய்யலாம்.