ஐயப்பன் ,பெண்கள் ,மாதவிடாய்..

ஐயப்பன் கோவிலில் பெண்கள் நுழைவதா என்ற விவாதம்எழுந்தபோது சிலர் (அவதாரப்பிறவிகள் ?) பெண்கள் கெட்டஇரத்தத்துடன் கோவிலில் நுழையக்கூடாது என்பது போல எழுதினர்.

அம்மனுக்கு சிவப்பாடை அணிவிப்பது மாதவிடாயை குறிப்பதுஎன்பதை முன்பு எப்போதோ கேள்விப்படிருக்கிறேன். சரியான விபரம் தெரியாததால் இது குறித்து எழுதாமல் விட்டேன்.

இப்பொழுது திண்ணையில் குமரி மைந்தனின் சாதியத்தின் பண்பாட்டுச் சிக்கல் கட்டுரையில் இதே செய்தியை கண்டதால் பதிக்க வேண்டி அவசியம்உள்ளது.

"பெண் தலைமை முறியடிக்கப்பட்ட பின் வழிபாட்டு முறைகளில் மாற்றம்ஏற்பட்டாலும் சில எச்சங்கள் இன்றும் நிலவுகின்றன. சில கோயில்களில்பூசாரிகள் சேலை உடுத்திக் கொண்டுதான் பூசை செய்கின்றனர். இன்றும்நாட்டுப்புற அம்மன் கோயில்களில் பூசாரிகள் சிவப்பு உடை உடுத்தியே பூசை செய்கின்றனர்.

இந்தச் சிவப்பு ஆடை பெண்களின் மாதவிடாய்க் குருதி பட்ட சேலையைக் குறிக்கும். பெண் தலைமைக் குமுகத்தில்மாதவிடாய் தெய்விகமானதாகவும் மாதவிடாய்க் காலத்தில்பெண் தெய்வத் தன்மையுடையவளாகவும் கருதப்பட்டாள். எனவே தான் இன்றும் இவ்வம்மன் கோயில்களில் அம்மனுக்குச்சிவப்புச் சேலை வாங்கிச் சார்த்தி அதைத் திரும்பப் பெற்றுவீட்டில் வைத்து வணங்குகின்றனர். பழங்காலத்தில் இவ்வம்மன்களை மாதவிடாயிலிருக்கும் பெண்களே பூசை செய்தனர். பெண் மாதவிடாயிலிருக்கும் போது தெய்விகமானவளாகக் கருதப்பட்டதால் அவளுடன் உடலுறவு கொள்வதும் தவிர்க்கப்பட்டது; இன்று அதற்குநேர் எதிரான காரணத்தால் அது தவிர்க்கப்படுகிறது. இன்று ஆண்,பெண் வேறுபாடின்றி “இந்துக்கள்” நெற்றியில் இட்டுக் கொள்ளும் குங்குமப் பொட்டு முன்பு மாதவிடாய்க் குருதியை நெற்றியில் இட்டதின் எச்சமே. மஞ்சள் நெய் எனப்படும் சிவப்பான குழம்புக்கும் இதே குறிதகவு தான்."புகழ் பெற்ற குமரி மாவட்ட முப்பந்தல் இயக்கிக் கோவிலில் மஞ்சள் நெய் வழங்கப்படுகிறது.